Konsert med Hilde Selvikvåg

Konsert med Hilde Selvikvåg

Den 7. september held Hilde Selvikvåg konsert på Loen Skylift. Hilde Selvikvåg er frå Jæren og har på kort tid oppnådd stor suksess med spellemannsominasjon av debutalbumet og fleire store radiohits på løpande band. Med sine fengande poplåtar som «Karusell», «Indie» og «Anemone» har ho snike seg inn i mange hjerter og blitt ein av dei mest spelte artistane på norsk radio.

For tida er ho aktuell med sitt andre album «Fanga heile verden», og er i den anledning ute på ein landsdekkande turné der ho skal halde konsert på unike og særeigne stadar i Norge, som ho alltid har drøymt om å spele på. På lista over desse høgt ønska konsertstadane stod Loen Skylift. Den 7. september spelar ho konsert på Hoven for alle besøkande. Ektefølt og nært formidlar ho tekstane sine på klingande jærdialekt, slik berre ho kan, og framkallar latter så vel som tårer med ein varme og eit nærvær av dei sjeldne. Med den vakre utsikta over Vestlandet som bakteppe blir dette ein helt unik kombinasjon.

Velkomne til ei magisk konsertoppleving!

Konserten er inkludert for alle gjestar ved Loen Skylift.

Linedance show

Linedance show

I 20 år har ein gjeng danseglade damer møttes ein fast dag i veka i felles glede over å danse. Dette skal feirast, og dei har difor invitert andre dansarar frå fjern og nær til ei helg fylt av dans. Feiringa vert avslutta søndag med danseoppvisning på takterrassen på Hoven. Dei gler seg til å vise fram kor kjekt det er med dans, og ikkje minst vise gjestane sine kva Stryn har å by på.

Om Stryn Linedance

Stryn linedance har i dag om lag 30 medlemmar med eit alderspenn frå 12-75 år. Danseforma passar for alle; unge, gamle, spreke og ikkje fullt så spreke, kvinner og menn. I linedance vert det laga dansar med ulik vanskegrad. Det vert laga dansar i alle sjangre som cha-cha, jive, tango, vals, og charleston til både tradisjonell dansemusikk og moderne pop og rock.