BB20161007_HovenLoen_DSC08274.jpg
BB20161007_HovenLoen_DSC08597.jpg
Falkeblikk 2014.jpg
_BD_0513.jpg
LOENVATN-FJORDNORGE-SVERREHJORNEVIK-26184_2000.jpg
Sykkel Lodalen.jpg
Fasade Hotel Alexandra.jpg
BB20161007_HovenLoen_DSC08274.jpg

Sommaraktivitetar


SCROLL DOWN

Sommaraktivitetar


Ta Loen Skylift til topps på Hoven, og legg ut på tur innover fjellet. Gode stiar som er skilta og merka gjev tryggleik og energi til å oppleve høgfjellet. Eller kanskje du vil klatre opp for eiga maskin i Via Ferrata Loen? 

Vandring

Via Ferrata

Zipline

Kajakk

Pakkar med guide

BB20161007_HovenLoen_DSC08597.jpg

Vandring


på skilta og tilrettelagde stiar

Vandring


på skilta og tilrettelagde stiar

Fjellområdet rundt Hoven tilbyr eit rikt utval av turar med ulik vanskegrad og lengde. Turane varierer frå enkle gruslagde stiar til stiar i meir kupert terreng. Du kan gå på eiga hand, eller bli med på guida tur. Vandring gjennom sommarhalvåret, eller på ski om vinteren. Rundt 70 km med stiar er kartlagt frå Hoven, og arbeidet med å forbetre og tilrettelegge fleire av desse er i gong. Høg kvalitet og bærekraft er nøkkelord. Stiane vert skilta og merka etter internasjonal standard. 

Sesong for vandreturar på Hoven er vanlegvis frå mai/juni  til oktober/november. Dette avhenger av når snøen kjem og reiser. Du kan finne nyttig informasjon på vår live-side.  

Sjå eiga side om tryggleik i fjellet. 

Gjølrunden. Foto: Bård Basberg

Gjølrunden. Foto: Bård Basberg

1. Gjølrunden 2,2 km / 120 høgdemeter
På denne rundturen kjem du nær spektakulær og dramatisk natur, med panoramautsikt mot Lodalen og Oldedalen. Første tredjedelen av turen har 170 meter stigning, med steintrapper i dei brattaste partia. Lengst mot aust kjem du nær kanten mot Tungegjølet, men så lenge du held deg på stien kan du ferdast trygt. Utsikt til fjord, fjell og bre på høgste punktet. I nord ser du fjella mot Sunnmøre og i søraust ligg Jostedalsbreen nasjonalpark. I lett høgfjellsterreng går stien vidare mot vest. Her kjem du inn på ein grusa tursti som fører deg tilbake til utgongspunktet på Hoven.

 
På veg til Skredfjellet. Foto: Bård Basberg

På veg til Skredfjellet. Foto: Bård Basberg

2. Skredfjellet - 2 km ein veg / 155 høgdemeter
Denne turstien gjev deg utsikt mot fjord, fjell og bre, og er tilpassa alle aldersgrupper. Frå Hoven til Skredfjellet går du på grusa tursti. Nokre korte bratte parti. Etter kvart får du utsikt mot fjorden og dei store dalføra innover mot Jostedalsbreen. Når du kjem opp på fjellryggen ser du Sunnmørsalpane i nord og Gjegnen i vest. Frå toppen ser du utover den 106 km lange Nordfjorden. I aust kan du skimte Skålatårnet 1848 moh. I sør ser du Oldedalen omkransa av isbrear.

 
Skredfjellet. Foto: Bård Basberg

Skredfjellet. Foto: Bård Basberg

3. Hoven - Skredfjellet - Hoven. 7,9 km / 523 høgdemeter
Rundtur over Skredfjellet via Oppheimssætra og tilbake til Hoven. Deler av ruta går på ein høgfjellsrygg, som gjev panoramautsikt mot fjord, fjell og bre. Halvvegs kjem du til idylliske Nøkketjønn. Kanskje du vil bade saman med Nøkken? Turen går vidare ned til Oppheimssætra før du vender tilbake til Hoven på grusveg. Kan gåast begge vegar. 

 

4. Årheimsfjellet - 6,3 km ein veg / 340 høgdemeter

Ein tur i kupert høgfjellslandskap, som gjev deg fantastisk utsikt over fjorden, og undervegs oppdagar du stadig nye fjell og brear i det fjerne. Store delar av ruta går på ein fjellrygg. Du føl grusstien til Skredfjellet, og vidare på smalare høgfjellssti ned mot Nøkketjønn. Frå stikrysset ved Nøkketjønn vandrar du i roleg fjellterreng mot toppen av Årheimsfjellet. Retur same vegen, eller via Oppheimssætra og på grusveg tilbake til Hoven.

 
Foto: Bård Basberg/Loen Skylift

Foto: Bård Basberg/Loen Skylift

5. Staurinibba - 2,7 km ein veg / 379 høgdemeter

Toppen på Staurinibba ligg 1379 moh. Du går på godt tilrettelagt sti heile vegen. Du rundar på nordsida av Tungegjølet - det bratte og smale gjølet som endar ut nede i Loen. Du kjem nær inn på stupbratte fjellsider, men kan likevel ferdast trygt langs den merka stien. Siste halvdelen stig brattare opp mot toppen. Premien som ventar deg er verd slitet - ei imponerande utsikt over indre Nordfjord.

 

8. Holme / Oppheim - 6,6 km ein veg/720 høgdemeter

Lett og fin tur på skogsbilveg 720 høgdemeter nedover lia, med flott utsikt mot fjorden, Olden og Oldedalen. Ved sving under Oppheimsetra kan gåande alternativt følge merka sti ned gjennom skogen (2,5 km kortare), eller gå vidare på skogsbilvegen. Ta gjerne ein tur oppom Oppheimsetra. Frå Oppheim er det 5,1 km tilbake til Loen, og det kan difor vere greit med bilskyss til Loen. Kontakt Loen Active for transport, eller bruk eigen bil. Parkeringsplass rett før bommen på Oppheim (parkeringsavgift 70,-, årskort kan kjøpast).

 

 

GALLERI

Falkeblikk 2014.jpg

Via Ferrata Loen


Via Ferrata Loen


Via Ferrata Loen er ein nybygd klatresti rett bak Hotel Alexandra. Klatrestien tek deg til toppen av Hoven på 1011 moh, med eit fenomenalt utsyn mot Lodalen, Oldedalen, rett ned til Loen, Skåla og fjellheimen mot Jostedalsbreen. Som ein del av ruta kan du krysse Gjølmunnebrua, den lengste i Via Ferrata brua i Europa. Den ligg 750 meter over havet, er 120 meter lang og går over det 160 meter djupe jølet. Turen vil definitivt gje deg sommarfuglar i magen. Om du er klar for ei ekte utfordring kan du klatre den nye ekstremruta - den tøffaste via ferrata ruta i Norge.

Via Ferrata Loen opnar for sesongen 1. mai 2019.

ViaFerrata61_Loen_9500_2500.jpg

Via ferrata Loen inkl. Loen Skylift

Ein erfaren guide tek deg med i Via Ferrata Loen til 1011 m.o.h. Så tek vi enklaste veg ned - med Loen Skylift. Sikringsutstyr er inkludert. Turen kan kombinerast med lunch eller middag i Hoven Restaurant. 

Pris 2019: Frå 1.345,-

image4_2000.jpg

Ragnarok Extreme inkl. Loen Skylift

Våren 2019 opnar Norges tøffaste via ferrata rute i Loen. Den har vanskegrad F, og med dette har Loen fått ei av dei mest komplette via ferrata anlegga i Europa. Det nye ruta går vest for den klassiske, og er vedvarande bratt heile vegen. Å klatre her krev god styrke og utholdenhet, og dei som skal gå den bør ha klatra grad E tidlegare. Aldersgrense på F-ruta er 14 år, i følge med ein vaksen. Dei som er usikre på om dei meistrar denne ruta kan gå den klassiske ruta, og teste seg i den alternative sløyfa gjennom “Tors hammar” - ei kort sløyfe i kategori E. Les meir om Ragnarok her.

Pris 2019: 1.990,-

35459221_1554303691365601_5760520883126927360_n2.jpg

KJEM SNART: Via Ferrata Loen, Zipline og Loen Skylift

Bli med ein av Loen Active sine erfarne guidar opp fjellveggen og kryss Gjølmunna i zipline (nytt i 2019) når du når toppen. Deretter returnerer du til fjordnivå på enkelt vis med Loen Skylift. Hjelm og sele inkludert. Klatringen kan kombinerast med lunsj eller middag i Hoven Restaurant.

Pris 2019: Frå 1785,-

BESTILL

Loen Active  |  post@loenactive.no  |  57 87 58 00  |  loenactive.no 

Oversiktsfoto Via Ferrata Loen - alle ruter

Klikk for større kart

Klikk for større kart

Detaljert rutebeskrivelse med gradering på alle delar

 

Klikk for større kart

 

_BD_0513.jpg

Zip-line Loen


KJEM SNART!

Zip-line Loen


KJEM SNART!

På toppen av Hoven 1000 meter over fjorden opnar Loen Active denne sommaren to splitter nye zip lines som er henholdsvis 125 og 95 meter lange. Opningsdato vil bli annonsert. Her kan du fly over øvste delen på Tungejølet, med utsikt mot hengebrua i Via Ferrata Loen. Zip linene ligg berre 5-10 min gange frå toppstasjonen til Loen Skylift, og er lokalisert ved stien frå Via Ferrata Loen, og vil også vere ei fin avslutning for dei som har klatra opp. Du må rekne 30 minutt på aktiviteten.

Kontakt Loen Active for å få meir informasjon.

PRISAR 2019:

  • Zipline: 590,-

  • Pakkepris zipline og Loen Skylift t/r: 890,-

  • Pakkepris Via Ferrata Loen, zipline og retur med Loen Skylift: 1785,-


FAKTA

  • Maks/min.: Maks 100 kg, minimum 30 kg.

  • Kapasitet: 30 personar per time.

  • Normal fysisk form

  • Vanskegrad: Enkel (men luftig)

BESTILLING VIL BLI TILGJENGELEG SNART


LOENVATN-FJORDNORGE-SVERREHJORNEVIK-26184_2000.jpg

Kajakk


på Lovatnet og Nordfjorden

Kajakk


på Lovatnet og Nordfjorden

Opplev Loen frå kajakk, enten på Lovatnet eller på Nordfjorden. Loen Active tilbyr guida turar i doble kajakkar nesten heile året. Turen kan også kombinerast med ein vandretur.

LOENVATN-FJORDNORGE-SVERREHJORNEVIK-26184_2000.jpg

Tur 1: Lovatnet

Lodalen er ein av dei vakraste dalane i landet, med høge dramatiske fjell, isbrear og smaragdgrønt vatn. Bli med Loen Active på guida kajakktur og høyr om dalen si dramatiske historie, og livet folk levde her. I tillegg til utstyr inkluderer turen transport frå Loen til Bødal, matpakke og drikke. Tid: 4-5 timar. Nivå: Lett. Minimum alder: 10 år.

Pris frå: 1600,- per person.


fn229chs.jpg

Tur 2: Fjordtur

Med start frå Loen får du oppleve Loen og indre Nordfjord frå fjorden. Vi stoppar undervegs og fortel om historia og naturen i dette området under Jostedalsbreen. Tid: 3 timar. Nivå: Middels. Minimum alder: 8 år.

Pris frå: 865,- per person.


LOENVATN-FJORDNORGE-SVERREHJORNEVIK-26421.jpg

Tur 3: Oppdag padling

Ein kort tur på Nordfjorden, perfekt for nybyrjarar. Tid: 2 timar. Nivå: Enkel. Minimum alder: 8 år.

Pris frå: 700,- per person.


BB20161007_HovenLoen_DSC08282.jpg

Tur 4: Rundtur med kajakk og vandring

Denne rundturen startar med 2,4 km padling i kajakk på fjorden. Når vi går i land, startar ein 2,6 km lang tur fordelt over 400 høgdemeter som belønnar deg med utsikt over fjorden og fjella i indre Nordfjord. Deretter går turen på fjellvegen til Losætra og tilbake til utgongspunktet i Loen. I tillegg til utstyr inkluderer denne turen matpakke og drikke. Total gongavstand: 6 km. Tid: 4-5 timar. Nivå: Middels. Minimum alder: 8 år.

På førespurnad. Pris frå: 1500,- per person.


kajakkk.jpg

Utleige kajakkar (utan guide)

Dei som kan framvise personlig sertifikat, minimum NPF (VåttKort Grunnkurs), EPP2 eller BCU 2STAR, kan leige utstyr.

Dobbel kajakk: 1 time: 450,- | 3 timar: 815,- | Heildag: 1500,-
Enkel kajakk: 1 time: 325,- | 3 timar: 500,- | Heildag: 1080,-

Inkludert: Kajakk, åre, padlejakke, vest, hanskar og padlesko.


Praktisk informasjon

Alle turane inkluderer guide, kajakk, åre, padlejakke, vest, hanskar og padlesko. Nokre av turane inkluderer også matpakke og drikke. Det er alltid følgebåt med på dei guida turane. Loen Active har base midt i Loen sentrum.

Minimum antal deltakarar: 6 personar.
Maks antal deltakarar per tur: 17 personar.

BESTILL

Bestill på nett, eller kontakt Loen Active på tel. +47 57 87 58 00 eller post@loenactive.no

Sykkel Lodalen.jpg

Sykling


Sykling


Leig deg ein sykkel, og reis til Lodalen eller utforsk andre stadar i området. Loen Active tilbyr også guida turar på sykkel. Loen Active leiger ut syklar frå sin base i Loen sentrum.

Sykkelutleige 2019

Pr time                                  kr   90,-
Halv dag / opptil fire timar   kr 310,-
Heil dag / opptil åtte timar   kr 510,-

Prisane inkluderer hjelm. Ein av syklane har barnesete. To juniorsyklar for utleige.

Booking sykkelleige for heil dag.

Fasade Hotel Alexandra.jpg

Hotel Alexandra


Hotel Alexandra


Hotel Alexandra er eit familiedrive hotell med historie heilt frå 1884. Hotellet ligg rett under fjellet Hoven, kun 500 meter frå fjordstasjonen. Alexandra er kjend for særeigen og personleg atmosfære, og fristar med den store Alexandra-Buffeten og Alexandra Bad & Spa. Hotel Alexandra si store kongressavdeling har fleksible og tilpassa løysingar for kurs og møter, og kursverten sørgjer for at alt fungerer som det skal. Dei har gode tilbod for barnefamiliar og familieselskap,men også stille "oaser" for deg og din kjære.