Aktivitetsdag på hoven

Kvart år inviterer Loen Skylift alle 6.-klassingane i kommunen til ein gratis aktivitetsdag på Hoven. Dette er vår måte å gi noko tilbake til bygdene på, eit samfunnsansvar vi har valt å ta, og som betyr mykje for oss.

I samråd med rektorane har vi valt å rette tilbodet mot 6. klasse. Dei er store nok til å ferdast trygt i fjellet, samstundes som dagen gir ei fin moglegheit til å bli betre kjende før overgangen til ungdomsskulen.

Tradisjonen tru vart det også i år ein dag fylt med gode opplevingar. Sjølv om det var snø i lufta, var stemninga på topp frå start til slutt. Elevane møtte opp med stort engasjement og nysgjerrigheit, klare for å utforske alt Hoven har å by på.

Gjennom dagen fekk dei prøve seg på fleire spennande aktivitetar: pizzabaking i Hoven Restaurant, eit fascinerande innblikk i maskinrommet, og trugetur i vinterlandskapet saman med Loen Active.

Det var mykje latter, gode spørsmål og ekte utforskartrong heile vegen.

Takk for besøket, vi gler oss allereie til neste gong!