Lysvandring

Lysvandring

IMG_8914_1500.jpg

Laurdag 26. januar inviterer Loen Active og Loen Skylift til guida lysvandring på Hoven. Arrangementet inkludert for alle gjestar ved Loen Skylift.

Det blir guida vandring langs ei lyssett rute. Å vere ute i fjellet etter solnedgong skapar ei eiga stemning. Oppmøte kl 17:00 i 2. etasje fjellstasjon. Vi anbefaler at du tek bane opp seinast kl 16:30 (avgong kvar halve time).

Dei som vil gå aleine er velkomne til det. Turen vil ta ca ein time. Alle kan delta, men born må vere i følge med vaksne.

Det blir lagt opp ei rute som kan gåast til fots. Dei som deltek bør ha med seg varme klede, hanskar, hue, gode sko og ei hovudlykt.

Hoven Restaurant serverer mat frå a la carte menyen fram til lysvandringa startar kl 17:00.

Etter turen går vi inn i Hoven Restaurant. Her kan du kose deg framfor peisen, og kjøpe noko varmt å drikke.

Velkomne til fjells!

Følg arrangementet på Facebook

Dans med Splint og DJ Øyvind

Dans med Splint og DJ Øyvind

Laurdag 9. februar inviterer vi til dans på Hoven!

Frå kl 20:00 snurrar DJ Øyvind plater, og SPLINT spelar frå 21:00 til 24:00, før DJ Øyvind avsluttar kvelden. Siste bane ned kl 01:30.

Arrangementet er ope for alle gjestar ved Loen Skylift. Billett til bana kan kjøpast i Fjordshop og på billettautomatar.

Om musikken

SPLINT vart etablert i 2012 og består av solide og dyktige musikarar som saman og kvar for seg har lang erfaring i frå ei rekke band, studioprosjekt og som backing musikarar for andre artistar. SPLINT kjenneteiknast som bandet med det gode humøret og det allsidige repertoaret og det å skape god stemning blant publikum er ei sjølvfølge.

DJ Øyvind kjem frå DJ-gruppa på høgskulen i Sogndal og spelar titt og ofte på Meieriet, samstundes som han tek på seg oppdrag rundt omkring.

Vintervandring for born på Hoven

Vintervandring for born på Hoven

I vinterferien (15. februar - 3. mars) blir det lagt opp ei vandrerute for born på Hoven langs dei trakka løypene. Finn dei ulike postane med ulike symbol og kryss av. På postane er det informasjon og små historier som både små og store kan lære litt av. 

Turen vil bli lagt opp i nærleiken av Hoven restaurant og stiane rundt. Ein kan delta enten på ski eller til fots. Mindre born bør gå i følge med vaksne.

Etter endt vandring kan borna komme til Hoven Restaurant og få utdelt ein liten premie. 

Deltagerskjema blir utdelt i Fjordshopen, Hoven Restaurant eller Hotel Alexandra. Billetter til Loen SKylift kan kjøpast i Fjordshopen, billettautomatar eller på web.

Følg arrangementet på Facebook.



Hoven hopprenn

Hoven hopprenn

Laurdag 23. februar gjennomfører vi Hoven Hopprenn for born i alderen 6-15 år. 

Påmelding i Hoven Restaurant kl 11-12.30. Rennet startar kl 13. Premie til alle i Hoven Restaurant etter endt hopprenn, seinast kl 15.

Vi satsar på eit uformelt arrangement der leik og hygge skal stå i fokus, ikkje konkurransen. Ein kan delta med langrennski eller alpinski, alle må ha med seg eigen hjelm. Vi tilpassar fart og hopp etter nivå/alder.

Mindre born bør være i følge med vaksne.

Billetter til bana kan kjøpast i Fjordshopen, på billettautomatar eller på web. Sjølve deltakinga er gratis.

Hoven Afterski

Hoven Afterski

24249_383562066734_137863156734_4319426_2835843_n.jpg

Laurdag 16. mars blir det Afterski i Hoven Restaurant.

Kva er vel betre etter ein dag ute i naturen enn å kome inn i varmen og hygge seg? 

Øystein Eckhoff har på få år blitt ein av Vestlandet sin aller mest erfarne og populære trubadurar. Med ei gitartraktering utanom det vanlege, ei flott stemme og ikkje minst eit repertoar som omfattar dei fleste sjangrar.

Velkomne til fjells!

Ski- og akerenn

Ski- og akerenn

Skjærtorsdag 18. april blir det Hoven ski- og akerenn for born i alderen 6-15 år. Det blir ein klasse for akebrett og ein klasse for ski (langrenn eller alpint). Løypa vil bestå av svingar og nokre mindre hopp.

Vi har fokus på leik og moro, ikkje prestasjon, men det vil bli notert ned tider for deltakarane. Alle som deltek får ein liten premie.

Gjennomføring:
11.30 - 12.30: Påmelding i Hoven Restaurant
13:00: Rennstart (i akebakkane mot Skredfjellet)
15:00: Premiering

Ta med eigne ski eller akebrett. NB! Hjelm er påbode, vi ber dykk ta med dette.

Arrangementet er gratis for alle gjestar ved Loen Skylift. Mindre born bør vere i følge med vaksne. '

Heiagjengar og publikum er hjarteleg velkomne!

Afterski Skjærtorsdag

Afterski Skjærtorsdag

Etter ei dag i fjellet inviterer vi til Afterski på Hoven skjærtorsdag frå kl 15:00

Dj Øyvind spelar på uteterrassen dersom veret tillet det.

Trubadur Torbjørn Gran tek rundt kl 16:00 og held på nokre timar. Her er det berre å stille på om du har vore ute på tur eller ikkje, alle er velkomne!

Om musikken:
Torbjørn er trubaduren som veit kva som skal til og spelar låter som publikum kjenner igjen og kan vere med å rope på refrenga! Torbjørn har stor kjærleik for norsk rock og spelar gjerne så mykje norsk som publikum kan tåle i løpet av ein kveld.

DJ Øyvind kjem frå DJ-gruppa på høgskulen i Sogndal og spelar og ofte på Meieriet, samstundes som han tek på seg oppdrag rundt omkring.

Afterski langfredag

Afterski langfredag

last ned (3).jpg

Etter ein dag i fjellet inviterer vi til Afterski på Hoven Langfredag frå kl 15:00.

Dj Øyvind spelar på uteterrassen dersom veret tillet det, og avsluttar kvelden inne.

Trubadur Torbjørn Gran tek til i 16-tida og held på nokre timar. Her er det berre å stille på om du har vore ute på tur eller ikkje - alle er velkomne!

Om musikken:
Torbjørn er trubaduren som veit kva som skal til og spelar låtar som publikum kjenner igjen og kan vere med å synge på refrenga! Torbjørn har stor kjærleik for norsk rock og spelar gjerne så mykje norsk som publikum kan tåle i løpet av ein kveld.

DJ Øyvind kjem frå DJ-gruppa på høgskulen i Sogndal og spelar titt og ofte på Meieriet, samstundes som han tek på seg oppdrag rundt omkring.

Afterski Påskeaftan

Afterski Påskeaftan

Etter ein dag i fjellet inviterer vi til Afterski på Hoven Påskeafta frå kl 15:00

Dj Øyvind spelar på uteterrassen dersom veret tillet det, og avsluttar kvelden inne.

DJ Øyvind kjem frå DJ-gruppa på høgskulen i Sogndal og spelar titt og ofte på Meieriet, samstundes som han tek på seg oppdrag rundt omkring.

Velkomne til fjells!